O vindeiro venres 17 de Maio, día das letras galegas, celebraremos o noso xa tradicional torneo de balonman femenino, un día na que as protagonistas son as mulleres do clube. Nesta cuarta edición, xa a cuarta, serán case 200 xogadoras do Arteixo Balonman, BM Brigantium, BM Ribadosar, BM Xallas e do propio Balonmán Culleredo as que gozarán do seu día adicado ao balonmán.
O clube Balonmán Culleredo quere mediante este evento anual por de manifesto que, a pesares das dificultades da práctica do Balonmán Femenino debido ao alto coste económico (menor número de equipos conlevan desprazamentos máis longos), en Culleredo as mulleres e rapazas son unha parte moi importante do clube e loitan coma espartanas para poder practicar o deporte que máis lles gusta.
Agardamoste no pavillon Municipal de O Burgo este venres 17.
Onte, domingo 12 de Maio celebrouse no pavillon municipal de Almeiras, en Culleredo, a final a catro da competición a balonmán 7 de categoría alevín mixta. Participaron os catro primeiros clasificados na liga regular, o BM Culleredo TARRÍO, o BM Culleredo Canosa Abogacía, o BM Atlántico e o EM Abegondo. Na primeira semifinal o BM Culleredo TARRÍO enfrentouse ao EM Abegondo, ao que logo dun intensísimo partido derrotou por 3 tempos a 1 (6-2 en puntos), co que rápidamente acadou o pase a final. Na segunda semifinal o BM Culleredo Canosa Abogacia, segundo clasificado na liga regular, medíase fronte ao terceiro clasificado, o BM Atlántico. Comezou o Culle con moita Forza e despregando un gran xogo que lle facía gañar o primeiro período, pero o BM Atlántico reaccionou gañando os restantes tres períodos, impedindo o pase a final do Canosa Abogacía, penalizado polos nervos inherentes a competición. Disputaron a final o BM Culleredo TARRÍO e o BM Atlántico. O primeiro dos periodos amosou igualdade, chegando empatados no electrónico ao remate do tempo regulamentado, máis o Culle fixo valer o seu bo xogo e regularidade que o converteran no campion da liga regular e gañou os dous seguintes cuartos, logrando así a victoria final. O derradeiro cuarto, xa con todo decidido, amosou de novo igualdade no marcador. 6-2 ao final para o Culle Tarrío que o converte en Campion da provincia de A Coruña. Na loita polo terceiro e cuarto posto o EM Abegondo impúxose ao Culle Canosa Abogacía. Boa entrada en Almeiras (arredor de 150 afeccionados) para coronar ao Balonman Culleredo coma o Campion da Provincia de A Coruña. A vindeira cita será o próximo 2 de xuño na cpto galego de balonmán. Sorte a todos estes rapaces.
Unha xeración traballada dende a base... Son 46 os actuais xogadores de categoría alevín do clube Balonmán Culleredo, dos que a metade (nen@s de quinto de primaria) compiten a minibalonman (e clasificáronse para o cpto provincial da modalidade) e os restantes 23 (todos eles de sexto curso) compiten en balonmán a sete, acadando a primeira e segunda praza na liga zona norte (Coruña+Lugo) e resultando campions e cuartos clasificados na fase final provincial. Unha xeración escepcional que xa destacou nestes últimos dous anos acadando o cpto galego benxamin na tempada 2016-2017 e o subcampeonato no 2017-2018. Un comportamento exemplar destes rapaces, tanto nas pistas como fora delas, con moitísimo traballo, esforzo, sacrificio... De seguro que traballando nesta línea chegarán a onde se propoñan.
Os grupos Tarrio e Canosa Abogacía, do clube Balonman Culleredo
Os nosos infantís masculinos debutarán no campionato de España en Aranda de Duero. Veranse as caras en primeiro lugar co Club Deportivo Iplacea Balonmano , e despois, en función da clasificación, co Pan Moguer, Pulpo Eskubaloia e os anfitrións do Blasgon y Bodegas Ceres Villa de Aranda
Os nosos infantís xa están de volta despois de disputar o torneo de Andebolmania en Sao Joao da Madeira (Portugal). Alí competimos cos dous equipos masculinos. O de Div. de Honra acadou a medalla de bronce, perdendo unicamente a semifinal por un só tanto de diferencia encaixado no último segundo, e xogando todos os partidos a un altísimo nivel. Para eles este torneo foi unha boa oportunidade para preparar o campionato de España, no que participarán no vindeiro mes de maio.
O segundo equipo, cos nosos infantís de primeiro ano, acudía para adquirir experiencia competitiva. Trátase dun grupo con xogadores menos experimentados, e un torneo como este serviulles para ir conseguindo esa veteranía. Malia que o equipo non clasificou entre os mellores, fixo un bo papel, e conseguiu unha importante experiencia.
Foi, ademais, unha semana de convivencia e experiencias tamén fora do balonmán, convivindo con xogadores de 130 equipos de oito países diferentes, incluídos os do noso club irmán, o Arteixo Balonmán.
Nesta fin de semana temos moitísimo traballo. Xa o venres comeza en Arteixo o sector cos 4 millores equipos de Galicia da categoría cadete masculina de segunda división. Alí clasificamos un equipo que de seguro o fará moi ben. O sábado e domingo continúan as ligas, pero a reseñar é o partido sénior masculino as 18:30 en Tarrío. De acadar a victoria (ou o empate) o Culle convertiríase no Campión Galego de primeira división a dúas xornadas de remata-la liga, o que daría acceso a fase de ascenso a división nacional.
E coma previa a este apaixoante partido teremos en Tarrío, contra as 17:15h, a realizació da foto oficial do clube deste tempada. Están convocados tódolos xogadores do clube, 240 en total.
Ademáis, coma premio moi ben merecido, ao comezo do partido sénior os nosos xogadores infantis masculinos serán homenaxeados ao acadar a semana pasada o título de campións Galegos a falta de unha xornada para o remate da liga. En fin, algo se move en Culleredo... i é o BALONMÁN.
A falta de unha xornada para o remate da Liga Infantil masculina de División de Honra, o Balonmán Culleredo Sutenor xa é campión Galego, e representará a Galicia no Campionato de España Infantil Masculino. O enfrontamento na casa do segundo clasificado, o BM cisne de Pontevedra, rematou con victoria 17-20 para os rapaces Cullerdenses, que logo de non perder nengún partido na presente tempada, obtiveron así a súa recompensa ao seu traballo, esforzo e dedicación. Compre lembrar que tres dos xogadores deste equipo son integrantes da selección Galega da categoría, outro premio moi importante para o clube. Algo de historia...Pese a ser moi xóvenes, estes adolescentes de primeiro e segundo a ESO xa levan un tempiño practicando o deporte que máis lles gusta. Sen ir máis lonxe, Iago, o "veterano" balonmanísticamente falando do grupo, xa iniciou a súa andadura no balonmán con 7 anos, e agora, 7 anos despois, logra xunto aos seus compañeiros estar na elite do balonmán galego. Non foi un camiño facil, ainda tengo moitismas portas abertas pola xeración anterior, mais dende o principio estes rapaces viñan con forza. Foi dende o inicio unha xeración prometedora, por número, por traballo e por implicación. Lembro coma si fose onte cando o 16 de xuño de 2013 organizamos dende o clube, en colaboración co Arteixo BM, unha expedición a León para ollar o partido ESPAÑA-SUIZA da selección Española masculina de Balonmán. Fomos algo máis de 100 persoas, impensable nuns inicios con tan só rapaces de 6-8 anos. Pasámolo xenial. Esa semente dou o seu froito.Dende o Colexio de Tarrio, con Iago, Diego, Marcelo, Iván, Pablo, pasando polo ceip Ría de O Burgo con Álvaro e Marcos, Roi e Nuno, da escola deportiva do clube en Vilaboa, e logo coas recentes incorporacions de Senén (Liceo) e Joel (Abegondo) sen esquecer o resto de compañeiros que compiten no equipo de segunda división, ate ser os millores de Galicia; un camiño longo, de esforzo e perseverancia, que gracias a ilusión de todos eles, o seu traballo e máis o de tódolos adestradores polos que pasaron nestes anos, ademais da inestimable colaboración dos seus proxenitores se materializou no que son hoxe en día. Queda moito por andar, moitísimo, pero a semente que o clube puxo no seu día da os primeiros froitos, e abofé que serán moitos máis os éxitos deportivos que viran detrás, tanto desta xeracion coma das que veñen pisando forte dende cativos. O clube segue sementando, sobre todo ilusión e valores de esforzo, sacrificio, compromiso... tan necesarios para a vida, non só a deportiva. Preguntaba hai anos un pai e adestrador que qué método utilizábamos no clube para adestrar: "o método de crear a ilusión, o do traballo día a día e o de establecer un compromiso para axudar que cada nen@ elaboure o seu propio camiño", algo así respondín, e seguimos niso. Parabens a esta boa xeración por tódolos valores xa enumerados e por ser un exemplo para os máis cativos.
Bm Cisne 17- Bm Culleredo 20. Penúltima xornada do campeonato e partido transcendental para proclamarse campión de liga para os dous equipos. Nos primeiros minutos o Culle xa mandaba no marcador pero unha serie de erros en ataque aproveitabao o Cisne para darlle a volta o marcador a base de contrataques. No ataque estàtico o Cisne tiña moitas complicacións , todo marcado pola boa defensa do Culle. Gracias a isto e a boas situacións gañadas no ataque devolvían a ventaxa a favor do equipo visitante. Na segunda metade , case a mesma dinàmica de partido, agàs os contrataques dos locais que esta vez gracias o repliegue defensivo no eran efectivos. Con isto e a solidez defensiva é o extraordinario rendemento do porteiro Ivan facian que nos distanciasemos no marcador con diferencias de 4-5 goles. Moi boa actuación do noso central Nuno que foi decisivo tanto marcando diferentes procedementos e collendo galóns nos momentos que o equipo o necesitaba. Enorme partido de todos , enorme tempada de todos . Hoxe podemos recollelo fruto de tanto traballo, esforzo, e ilusión que fumos compartindo todo o ano . . SOMOS CAMPIÓNS GALEGOS !!!!!!!!!!!!!!!!!!!!!
