Saltar al contenido

Rematou a participación dos nosos cadetes e xuvenís no macro torneo portugués.

O cadete A, caeu derrotado na final do torneo fronte ao Padroense F.C. por 23-19. Os portugueses xogaron a un gran nivel, e púidose ver un bonito espectáculo na pista central de Paredes. Os erros no lanzamento a portería dos nosos resultaron definitivos para non conseguir a vitoria. Malia todo, gran torneo dos nosos cadetes de segundo ano, que deixaron unha moi boa imaxe.

O cadete feminino conseguiu finalmente a medalla de bronce, logo de que o seu rival na final de consolación non se presentase por mor da coincidencia de horario coa competición de balonmán praia.

O cadete B clasificou 18°, ao caer derrotado hoxe, de novo nun encontro que se tivo que decidir nunha tanda de lanzamentos de 7m, aínda que esta vez non estivemos tan afortunados. Boa experiencia competitiva para estes xogadores, todos eles aínda de primeiro ano.

Finalmente, o equipo xuvenil clasificou 12°, tras perder 21-23 coa SAR de Redondela (equipo da división de honra galega), nun partido no que os dous equipos, moi tocados fisicamente, disfrutaron dando un bonito espectáculo con xogadas de fantasía, máis preocupados por divertirse na despedida do torneo que en conseguir a vitoria. Moi bo torneo dos nosos maiores, que pese a competir con poucos efectivos, estiveron a moi bo nivel.

Gran experiencia para todos os integrantes da expedición, tanto no deportivo como fóra da pista. Excelente colofón para unha tempada chea de satisfaccións para todo o noso club.

Mateo Díaz Fernández, xogador do Club Balonmán Culleredo, convocado para as xornadas de Tecnificación Deportiva da Federación Española de Balonmán.

Nestes últimos momentos da tempada vimos de recibir outra boa nova (unha máis), coa convocatoria do noso cadete Mateo Díaz pola Federación Española. Participará nunhas xornadas de observación que terán lugar do 28 de setembro ata o 5 de outubro no Centro de Alto Rendemento de Granada.

Mateo chegou ao noso club procedente do Colexio Liceo la Paz, experimentando no último ano unha progresión moi importante, e malia ser aínda xogador de primeiro ano, chegou a consolidarse coma un dos piares do noso equipo cadete de División de Honra. Este feito xa nos adianta que na próxima tempada, está chamado a ser un xogador determinante nesta categoría.

Esta convocatoria é un novo premio non só ao esforzo de Mateo, senón tamén ao traballo que se está a facer desde todo o noso club, onde as convocatorias con seleccións galegas, e mesmo as chamadas da Federación Española xa non son unha novidade.

Parabéns Mateo!

Infantil masculino División de Honra. Semifinal de copa: Porriño 30 - Culleredo Sutenor 27. Derrota dos nosos rapaces no primeiro enfrontamento desta final a catro que se está a disputar en Ponteareas, que nos deixa fora da final desta competición. O noso equipo comezou o encontro mandando no campo e no marcador, como nos ten acostumbrados. Un pouco máis atascado en ataque do que é habitual, pero mantendo o control grazas a efectividade da defensa e da portería. Co paso dos minutos, consolidábase esta tendencia, sempre por diante no marcador, chegando a estar ata cinco tantos por riba dos porriñáns (no descanso, vantaxe de 2 para o Culle). Pero mediada a segunda parte, o cansancio empezou a notarse, e sobre todo en defensa, apareceron os erros, e o Porriño, máis enteiro, conseguía darlle a volta ao marcador, rematando o enfrontamento cun Culle totalmente abatido intentando á desesperada non entregar o partido.
Remata así a tempada para este equipo, que comezou na segunda semana de agosto preparando o Play-Off de ascenso, e na que conseguíu de maneira brillante proclamarse campión de liga e clasificarse por vez primeira no club para o Campionato de España. Unha tempada moi longa, moi dura, pero que foi absolutamente brillante, e por riba de todo, ilusionante, tanto para estes rapaces como para todo o club. Agora, merecidas vacacións.

Intenso sábado en Lalín para as categorías base do Balonmán Culleredo. Desprazábanse a vila pontevedresa os Cullerdenses coma campións provinciais Alevín e Benxamín.

En categoría benxamín o BM CULLEREDO O Burgo comezou gañando ao representante de Ourense BM Pabellón por 6 puntos a 2 nun sensacional partido. O seguinte enfrontamento mediunos contra o futuro campión galego, o CB Lucence, partido no que os cullerdenses sucumbían por 8 puntos a 0. No terceiro enfrontamento do día tamén os cullerdenses perdían contra o BM Lalín, partido no que notaron o cansancio acumulado ao longo do día. Bos resultados aínda así para os benxamíns do Culle que, formado por nenos e nenas de 2º, 3º e 4º de primaria.

En categoría alevín o día comezaba moi ben para o BM CULLEREDO. Superaban ao Carballiño, representante de Ourense por un claro 8-0 a puntos e logo de comer medíanse as forzas fronte ao CB Lucense, con resultado tamén 8-0 a favor dos cullerdenses nun partido no que se despregou un gran xogo. Partíase cara o partido fronte ao BM Cisne de Pontevedra con unha ventaxa de dous puntos que os pontevedreses perderan fronte aos ourensans, máis o culle non despregou un gran xogo e non atinou fronte a un gran porteiro rival. Perdían o primeiro tempo por 7 goles a 5, o segundo por 6-5 e o terceiro por 5-4. No derradeiro período o culle gañou 4-8, conseguindo desta maneira empatar o encontro a goles, pero perdendoo a puntos por 6-2, quedando na clasificación final o BM Cisne con 20 puntos e o BM Culleredo con 18. Non foi un gran partido dos cullerdenses logo de unha tempada magnífica, e o rival amosou un bo xogo colectivo que a postre deulle o campionato Galego alevín.

Boa xornada en Lalín da base do Culleredo, representando a provincia de A Coruña como campións e facéndose oco entre grandes clubes de Galicia, amosando o gran nivel nas súas escolas xunto ao campionato galego en categoría Infantil masculina recentemente acadado.

A expedición a Lalin do BM Culleredo representando a provincia de A Coruña

Nesta intensa fin de semana, además de ter o noso equipo infantil masculino de división de honra representando a Galicia no Cpto de España, andivemos moitos de nos en Camariñas, pois alí celebráronse os cptos provinciais Alevín BM5 e Benxamín BM5 e a fase final a 4 da competición de 2ª division infantil femenina.

A categoría infantil femenina comezou xa venres, e as nosas nenas do equipo Culleredo-Abegondo quedaron cuartas de Galicia na súa categoría. Un bo resultado para un grupo que ainda se está a formar.

O sábado na categoría Alevín BM5 os dous equipos representantes do BM Culleredo non puideron dalo todo, mais fixeron unha digna representación tendo en conta que todos eles son de primeiro ano e enfrontáronse a nenos da súa idade e con un ano máis.

E o dómingo os Benxamíns do Tarrío e de O Burgo fixeron un papel formidable. Pasou o Tarrío a semifinais, e o paso a gran final escapouselle por golaverage logo de empatar co Colexio Liceo a 4 puntos. Finalmente quedou cuarto clasificado da provincia.
O BM Culleredo O Burgo benxamín pasou a final logo de derrotar ao Abegondo na semifinal, e quedou finalmente CAMPIÓN PROVINCIAL BENXAMÍN.
Foi unha grande festa a vivida en Camariñas nesta fin de semana.

O vindeiro sábado 1 disputarase en Lalín o campionato galego benxamín BM5 (co Culleredo O Burgo) e o campionato galego alevín BM7 (co Culleredo Tarrío). Alí medirémonos aos campións das provincias de Lugo, Ourense e Pontevedra, máis o éxito xa está acadado. O só chegar aqui xa é tremendamente meritorio.

Infantil masculino Campionato de España (2ª Fase, 3º e 4º postos): Pan Moguer 32 - Culleredo Sutenor 21.

Último partido dos nosos rapaces neste campionato estatal no que non puideron superar ao equipo andaluz co que nos tocou competir. O noso equipo acusou neste torneo a brevedade da plantilla, e hoxe, nun encontro que non servía máis que para dirimir un posto na clasificación que non outorgaba ningún premio, o Culle apareceu moi tocado fisicamente, pero sobre todo animicamente. Deste xeito, o partido estivo competido ata o descanso, pero a segunda metade fíxose completamente costa arriba, co noso equipo incapaz de frear ao rival, por falta de forzas, fisicas e mentais.

Despedímonos do Campionato de España, pero non podemos esquecer o enorme éxito que supón para o noso club conseguir clasificar por primeira vez a un equipo nesta fase estatal, na que todos os nosos rivais eran habituais do torneo. Foi a primeira vez, pero este equipo non é máis que a punta de lanza, de seguro, non será a última, o que ven por detrás apunta alto. Aínda que non fora exitosa en termos de clasificación, foi sen dúbida unha experiencia importantísima como equipo e como club. Foino tamén a nivel persoal para todos os xogadores que participaron, moitos deles con gran proxección de cara ao futuro, e mesmo para os dous alevíns que concorreron como invitados, Samuel e Marco, que aínda que disputaron poucos minutos, fixérono extraordinariamente ben. Un investimento do club para cando sexan eles os que volvan a esta competición como líderes do seu equipo.

Hoxe, e sempre, todo o noso apoio a un equipo que segue a ser o merecido campión galego desta tempada.

O clube Balonmán Culleredo comeza a súa campaña de captación enfocada especialmente a sección femenina.

O clube Balonmán Culleredo, clube do Concello pioneiro na creación dunha sección femenina, colle pulo neste intre e, para a tempada que ven, sacará a competir equipo sénior femenino con rapazas saídas das escolas do clube.

Tódalas rapazas teñen cabida no Culle, dende os 4 anos ate adultos, polo que agora é un bo momento para unirte.

Ofrecémosche diversión e deportividade a tope, e xa para as rapazas en idade xuvenil a posibilidade de entrenar e ser convocadas co equipo sénior femenino.

Non o dubides. Únete ao clube.

*Durante o resto desta tempada a asistencia a adestramentos será gratuíta para as novas incorporacions.

O pasado 17 de Maio disputouse en Culleredo o IV Torneo de Balonmán Femenino-Letras Galegas 2019, no que máis de 150 nenas e rapazas competirón xogando ao deporte que máis lles gusta. Rapazas dos clubes Balonman Xallas, de Sta Comba, Arteixo BM, BM Ribadosar (Santiago), BM Brigantium (A Coruña) e do propio organizador, Balonmán Culleredo demostraron unha vez máis que o Balonmán tamén é femenino, reivindicando o seu lugar no deporte dende os 4 anos ate categoría sénior. Foi unha gran festa a vivida no pavillón municipal de O Burgo unha edición máis, amosando que Culleredo é balonmán, e tamén é femenino.