Saltar al contenido

Xa está aberto o prazo de inscripción para as escolas deportivas do Balonmán Culleredo deste curso. Podedes acceder ao enlace de inscripción no link que vos deixamos a continuación.

O noso presidente Anxo Canedo con Fernando Vázquez

O Bm Culleredo está de noraboa, pois nestes días pechouse a fichaxe de Fernando Vázquez Quinteiro para a dirección técnica do clube.

Fernando é un dos adestradores en activo con maior experiencia de Galicia e a súa boa labor no clube veciño EBM Xiria de Carballo da idea da calidade do seu traballo.

Chega ao Bm Culleredo con moitísimas ganas de traballar e cargado de ilusión. De seguro que liderará un salto de calidade no clube.

Dende o clube Balonmán Culleredo queremos agradecerlle a súa total disposición para unha negociación difícil en tempos de COVID-19 e convertiremos o Bm Culleredo na súa casa.

A aposta do clube é clara de cara a crecer en calidade e dar a mellor formación posible tanto aos máis de 240 rapaces e rapazas coma a tódolos adestradores do clube.

Benvido Fernando ao Clube Balonmán Culleredo!

#ForzaCulle

Para que poidades coñecelo mellor, deixámosvos un breve resumo da súa traxectoria e unha pequena entrevista que realizamos

Fernando Vázquez Quinteiro empezou a xogar ao balonmán no colexio Calazanz. Como xogador profesional militou na liga Asobal en equipos como o Teucro, Cadagua Galdar (Gran Canaria) e Chapela. Co Cadagua Galdar proclamouse subcampión da City Cup (competición europea extinta na actualidade) e co Chapela consigueu o campeonato da División Honor Plata, sendo un dos máximos goleadores da categoría ese ano e ascendendo á liga Asobal co equipo da localidade redondelana.

Militou en DHP no propio Chapela, na SAR de Redondela e no Pozoblanco (Córdoba).

Finalizou a súa carreira como xogador nas EBM Xiria, donde consigue un novo ascenso, esta vez de 1ª autonómica a 1ª nacional, categoría donde xoga ata a súa retirada.

Como entrenador, fórmase nas EBM Xiria, dirixindo a tódalas categorías da sección.

Fernando leva aos seus equipos a ser varias veces campións galegos nas súas categorías e a distintas fases nacionais. Posteriormente faise cargo do equipo senior da entidade, o Calvo Xiria, co que consigue varios subcampeonatos de 1ª nacional e a disputa de varias fases de ascenso a DHP. Na última temporada entrenou ao equipo senior femenino de 1° autonómica sendo referencia na sección feminina.

Forma tamén parte do corpo técnico da FGBM, sendo actualmente e por segundo ano consecutivo o seleccionador galego en categoría xuvenil masculina.

Entrevista a Fernando Vázquez:

¿Cal foi o principal atractivo que te animou a sumarte ao proxecto do Bm Culleredo?

O Bm Culleredo, quizais sexa na actualidade o clube que máis ten crecido en Galicia en canto ao número de fichas nos últimos anos. A seriedade coa que se está afrontando o proxecto e a pasión por mellorar a cada paso dos seus dirixentes, fan que me decante por este clube, no que eu considero que será un reto apaisoante para min. Un proxecto fresco, ambicioso, con moitas posibilidades, un grupo humano notable e nun entorno excelente, son argumentos máis que suficientes para que eu tomase a decisión de abandonar un clube que era a miña casa e no que levaba 20 anos.

¿Que proxectos de futuro no clube tes na cabeza?

As ideas flúen coma un torrente nestas semanas ao ver as moitas posibilidades de crecemento que existen no clube. Intentaremos seguir crecendo a través de asentar unha estructura, un modelo que teña como base a formación dos adestradores e da que se alimenten @s nen@s da base para que teñan un crecemento formativo que vaia da man tanto en valores como no deportivo. Crecer socialmente e facer crecer aos distintos equipos en canto ao seu nivel competitivo son obxetivos claros e contundentes.

¿Pódesnos comentar brevemente cal crees que é o camiño que debe de seguir o clube de cara ao futuro?

Anteriormente falaba da formación dos técnicos e ese punto antóxaseme clave. Se conseguimos melloralos nosos coñecementos e a eso lle engadimos experiencia, @s nos@s nen@s mellorarán con nós. Debemos manter ese espíritu de aprendizaxe sempre vivo nun ámbito e nun entorno cambiante e protexer e defender por encima de todo o noso valor máis importante… A CANTEIRA!

¿Crees que na calidade se está reducindo a brecha existente anos atrás entre o norte e o sur de Galicia no balonmán?

É evidente que as diferenzas xa non son as que eran e que esas diferenzas xa fai tempo que por sorte pasaron á historia. Eu veño dun clube que co paso dos anos e a base de traballo consegueu competir e saír airoso en moitas ocasións ante equipos do sur cos que fai algúns anos era impensable poñerse á súa altura. O aumento do número de clubes no norte é un feito, pero máis importante todavía é que na actualidade existen clubes que a nivel de estructura nada teñen que envidiarlle aos do sur de Galicia.

Aquí vos deixamos a newsletter de maio de Remax Riazor, na que poderedes ver como afecta a actual situación ao mercado inmobiliario e desfrutar ademáis dunha boa receta para que vos chupedes os dedos!

Boas tardes a tod@s! Hoxe dende o clube queremos compartir con vós unha pequena recopilación xogos para realizar nas nosas casas en familia nesta situación que estamos a vivir. Este documento foi elaborado pol@s estudantes de 1° curso de Ciencias da Actividade Física e o Deporte como parte dunha actividade da asignatura de Xogos e Recreación Deportiva, que nolo ceden para que todas as familias que formamos o Balonmán Culleredo poidamos encontrar formas de entreternos nas nosas casas!

Esperamos que esta aportación axude a levar da mellor forma posible esta situación e que todas as familias do Balonmán Culleredo poidamos incluso saír reforzados dela! 

#ForzaCulle

Hoxe é un día moi importante a nivel internacional, nin máis nin menos que o Día Internacional do Libro! E nesta data tan especial, dende o Balonmán Culleredo, queremos agradecerlle a súa colaboración a Baía Edicións! Como vos comentaramos na entrega que lle dedicamos na nosa sección "Hoxe coñecemos a", Baía Edicións é unha editorial galega que forma parte dos nosos patrocinadores e na cal temos unha persoa que forma parte da nosa gran familia, Belén López Vázquez! Da man da editorial queremos traervos nesta data especial, un importante agasallo ao que Baía Edicións da acceso co beneplácito das súas autoras e autores. Nin máis nin menos que a posibilidade de descargar de forma totalmente gratuíta 10 libros para os nenos e nenas da casa poidan levar da mellor forma esta situación e non desconecten dalgo tan importante e bonito como é a lectura. Aquí vos deixamos o link para acceder á súa páxina e poder descargalos libros que desexedes dos 10 títulos dispoñibles:

https://baiaedicions.gal/editorial/baia-edicions-con-vos-na-casa/

Hoxe, na nosa sección “Hoxe coñecemos a…”, queremos darvos a coñecer ao patrocinador que lle da nome a un dos nosos equipos benxamíns, Despreocúpate Seguros! Para que tod@s poidades coñecer un pouco máis acerca deles, deixámosvos unha pequena entrevista.

a) ¿Cal é a historia desta empresa?

Despreocúpate Seguros nace da ilusión persoal de Marcos Carreira, que despois de ter traballado por conta allea no sector seguros dende o ano 1998, decide emprender unha nova andadura creando a Agencia Exclusiva Digital con Allianz no ano 2013.

Dende entón somos membros do clube da Excelencia de Allianz, sendo unha distinción que ven a recoñecer o noso esforzo e dedicación como axencia da compañía e que ten ventaxas directas para os nosos clientes, ademáis de garantizar unha atención de calidade, unha formación adecuada e un maior nivel de autonomía.

b) ¿Que é o que máis vos gusta do voso traballo? 

Sen dúbida o trato directo cos clientes, ademáis moitos son amigos e outros rematan por selo, o poder dar solución a cada problema que xorde e a satisfacción de facer ben o noso traballo.

c) ¿De que estades máis orgullosos?

De poder contar coa confianza de máis de 1.250 clientes e que ano tras ano continuamos crecendo en número de clientes e de pólizas.

d) ¿Que semellanzas ten o voso traballo co balonmán?

No noso día a día esforzámonos para chegar a unha meta, o 100% de satisfacción dos nosos clientes, polo tanto, requírese un esforzó igual que no balonmán.

Non podemos “fallar” como equipo e debemos realizar un traballo cooperativo para non perder eficacia en resolvelos incidentes que xorden cada día.

O balonmán require estar siempre en forma, entrenar moi duro e poner en práctica as habilidades aprendidas para acadar resultados. Nós non deixamos de formarnos, todos os anos facemos cursos específicos co obxetivo de ofrecerlles aos nosos clientes o mellor asesoramento personalizado.

e) ¿Por que escollíchedes o Balonmán Culleredo?

Principalmente porque as nosas raíces están en Culleredo, ademáis, co Balonmán Culledo compartimos a paixón pola excelencia, o traballo en equipo e a superación.

f) ¿Que valores vos transmite o deporte?

O deporte está integrado na vida de todos nós, vida do benestar, impulsado por valores como a perseverancia, o compañeirismo, a solidaridade e as prácticas saudables.

g) ¿Que valores ten a vosa empresa? 

1) Formamos parte do proxecto “paperless”, que non só forma parte da estratexia de dixitalización da compañía, se non que tamén forma parte da súa aposta pola sustentabilidade, facendo unha aposta firme para reducila pegada de carbono.

2) O contratalos servizos con Despreocúpate Seguros, supón ter un valor engadido nas túas pólizas, sin por eso pagar máis no teu seguro, permitirache poder realizar en calquer momento e con total comodidade calquera xestión cos teus seguros, sen desprazarte e sen papeleo; en definitiva aforrando diñeiro e tempo.

3) A través da nosa APP “Despreocúpate Seguros”, podes estar sempre en contacto con nós e recibir atención en calquera momento e lugar.

4) Os que xa sodes clientes, sabedes que temos unha filosofía de empresa basada no “ti despreocúpate”. Ante imprevistos, nós encargámonos de todos os trámites e estamos contigo nos momentos que máis os necesites.

5) Ofrecemos as coberturas máis completas ao mellor precio e con asesoramento personalizado.

PREBENXAMÍN E BIBERÓN

Partido amigable d@s nos@s nen@s e @s de Abegondo, no que todos o pasaban en grande nun fin de semana máis de balonmán

ALEVÍN

Bm Culleredo Canedo 4-12 Gallega de Mallas Xiria Bm7

Bo partido das nosas nenas ante un dos rivais máis duros da competición, no que competimos cada cuarto!

Bm Culleredo Enerxíasolar 7-9 Bm7 Investo OAR Coruña 1952

Incrible partido dos nosos nenos de primeiro ano, no que o gran nivel defensivo nos permitía loitar por cada cuarto ata o final.

Bm Culleredo Remax Riazor 7-9 Abegondo Todo Deporte

Partido moi irregular dos nosos, contra un duro rival como é o Abegondo, no que a pesar de ir de menos a máis no partido, non foi suficiente!

INFANTIL FEMININO

Bm Culleredo Fisioterapia Benestar 19-22 SAR Ledisson “C”

Primeiro partido da copa, marcado pola irregularidade das nosas ao longo do partido e os fallos de lanzamento.

INF. MASC. 2 DIV.

Bm Culleredo ConstruPereiro 34-26 Club Balonmán Galipizza Viveiro

Mal partido dos nosos que solventaban gracias á melloría no segundo tempo!

INF. MASC. DIV. HONRA

Porriño 22-33 Bm Culleredo Sutenor

Partido donde os nosos comenzaron dubitativos pero co pas dos minutos foron afianzando as súas ideas.

CADETE FEMININO

SD Teucro Pescamar 24-26 Balonmán Culleredo Rafergal

Primeiro partido desta Supercopa igualado ata os ultimos 15min onde conseguimos unha ventaxa de 4 goles.

CAD. MASC. 2 DIV.

Bm Culleredo Serye Ingenieros 21-36 Seis do Nadal-Coia

Mal encontro dos nosos que non conseguían competir en ningún momento!

CAD. MASC. DIV. HONRA

Porriño 29-29 Bm Culleredo Indutec

Gran partido, con un final de infarto no que calquera puido levarse o encontro.

XUV. MASC. DIV. HONRA

Seis do Nadal 29-27 Ténicos 115 Bm Culleredo

Encontro moi emocionante no que calquera puido levarse os 2 puntos e que se decidiu en pequenos erros!

SENIOR MASCULINO:

SAR Plastic Omnium 23-21 Balonmán Culleredo

Partido marcado polas defensas e as porterías, no cal lle plantamos cara ao líder!

#ForzaCulle

Xa finalizada a primeira fase de competición oficial para os nosos equipos femininos, de categoría infantil e cadete, comeza esta fin de semana a 2ª fase de competición. Ambos equipos participarán en diferentes competicións, determinadas polo posto acadado na 1ª fase de Liga.

Por un lado, as infantís, que remataron no 4º posto do grupo 2 da liga, o que as leva a desputala “COPA XUNTA” contra os 3º e 4º clasificados dos outros dous grupos de liga. Xogarán polo tanto as nosas nenas unha nova competición a dobre volta, na que se terán que enfrontar a: Brigantium, Bueu, Sar “C” e Salceda. Ademáis participará tamén o Seis do Nadal, ao que as nosas non se terán que volver enfrontar, mantendo os puntos obtidos contra elas na 1ª fase.

Polo outro lado, as cadetes, que remataron nun meritorio 3º posto, por detrás de 2 grandes equipos como son o Carballal e o Cañiza. O posto obtido polas nosas cadetes, lévaas a desputala “SUPERCOPA”, na que se terán que enfrontar aos 4 primeiros clasificados do outro grupo ligueiro, que son: Lavadores, Teucro, Porriño “B” e Brigantium. Competirán baixo a misma fórmula que as infantís, sendo unha competición a dobre volta. Ademáis dos equipos citados, forman parte da supercopa os 2 clubes anteriormente citados como primeiros e segundos de grupo; e o Bm Rasoeiro, equipos aos que ao igual que as infantís non se enfrontarán, mantendo os puntos obtidos contra eles na 1ª fase.

Ambas competicións comezan esta fin de semana cos seguintes partidos:

  • IF: Bm Culleredo Fisioterapia Benestar – Sar Ledisson “C” (Domingo ás 10:30 en Almeiras)
  • CF: Bm Culleredo Rafergal – SD Teucro Pescamar (Sábado ás 11:30 en Pontevedra)

MOITA SORTE NESTA NOVA FASE RAPAZAS!

#ForzaCulle