Saltar ao contido

SUPERIORES MALIA OS ERROS DEFENSIVOS EN 6M , PERO SEN SABER PECHAR O ENCONTRO


O Sutenor segue a preparar o sector nacional para finais de maio, onde primeiro coñecerá aos rivais posiblemente este martes. Na preparación inclúense os encontros de Copa Federación, onde están encadrados os 4 mellores equipos de Galicia. Na segunda xornada tocaba visitar Chapela, onde o Sutenor viaxaba baixo mínimos, pero que se compensaba con outras xogadoras do club que están a desenvolverse á perfección cando hai baixas no cadro do Sutenor.

O encontro comezaba con problemas de 1x1 na zona central, onde ese 1x1 era unha acción illada, sen preparación para o envite e sen axudas colindantes, e xa dende o comezo había unha gran problemática co marcaxe nos balóns a 6 m, moitos deles filtrados dende 9 m. As situacións simples de cambios de oponente non estaban a estar coordinadas e, sen comunicación entre as xogadoras, as situacións defensivas non estaban a ser resoltas. Na fase ofensiva, a circulación de balón e a verticalidade estaban a dar os seus froitos; pese a non ter fortuna nesta ocasión dende zonas exteriores, o Sutenor aproveitaba a velocidade para poder romper a defensa local polo centro.

Pouco a pouco o equipo axustábase e, pese a seguir cos erros no marcaxe en 6 m, o Sutenor poñíase por diante no encontro, chegando incluso a ter unha vantaxe de 2 goles ao descanso.

Resultado na primeira metade:BM Chapela 14 - BM Culleredo Sutenor 16

Na segunda metade volveron repetirse unha e outra vez os problemas de responsabilidade individual e colectiva na zona de 6 m. Moitos erros de coordinación ou de intuición á hora do marcaxe; o Sutenor estaba a sufrir o ataque 2:4 proposto polo Chapela, pero aínda así conseguía interceptar balóns e ter éxito no ataque. O encontro estaba axustado e chegábase aos últimos 5 minutos cunha vantaxe de 3 goles. Unha vantaxe que se perdeu nos últimos instantes: os fallos de lanzamento e as perdas de balón non se compensaron cunha defensa férrea, senón todo o contrario. Isto fixo posible a remontada do equipo local nos últimos intres, onde practicamente o Sutenor deixou escapar a vitoria por falta de convicción e loita ata o final.

Resultado final:BM Chapela 30 - BM Culleredo Sutenor 29

Pouca intensidade en xeral por parte dos dous equipos. O Sutenor caeu nun erro de maneira constante; hai que seguir aprendendo e, sobre todo, antepoñerse ás adversidades. Faltou máis coraxe e concentración en certos momentos. Con estes factores en pista, o Sutenor podería ter controlado o encontro e levarse a vitoria nesta ocasión. Aínda así, o traballo foi bo: apenas se notaron as baixas, que foron moitas, e isto fala moi ben do grupo en xeral. Queda moito aínda, aínda que pareza que non, xa que entramos nos últimos meses da tempada.

A próxima semana visítanos o subcampión galego, un dos encontros máis complicados que pode ter un equipo no balonmán galego. O Sutenor preparará o encontro coma se fose unha final; esta ten que ser a dinámica dende hoxe ata o final da tempada.

BM Chapela: Aroa Fernández, Sabela Fernández, Sabela González, Sheila Cusi, Andrea Loira, Erika Sánchez, Daniela García, Alicia Barciela, Antía Fernández.

BM Culleredo Sutenor: Sara Fernández, Helena Portas, María Otero, Thais Villaverde, Alba Fernández, Sara Villar, Rosalía Veiga, Lola Romero, Aitana Gestal, Noa Otón, África Gómez.

Parciais cada 5’: 4-2 / 6-4 / 9-6 / 11-9 / 13-12 / 14-16 / 16-17 / 17-17 / 19-20 / 23-25 / 26-28 / 30-29

Incidencias: Xornada 2 da Copa Federación disputada no pavillón municipal de Chapela.


Se queres, tamén podo darlle un estilo máis xornalístico (tipo crónica de prensa) ou facelo máis curto 👍

Deixa unha resposta

O teu enderezo electrónico non se publicará Os campos obrigatorios están marcados con *