Moi boa vitoria dos nosos rapaces do Bm Culleredo Óptica Gallaecia en Carballo. Os nosos fixeron un partido moi completo por segundo fin de semana consecutivo, xogando de forma colectiva e ordenada en todo momento.
Saltaban ao campo os nosos moi motivados e conseguimos que o xogo sen balón fose a base do noso ataque, superando sen balón a presión da 3:3 proposta polo Xiria e xerando moitas situacións de gol claras. As continuidades sucedíanse e conseguíamos finalizar dende os extremos en numerosas ocasións.
Sen dúbida a nota máis positiva do encontro foi o bo traballo na cadea de axudas defensivas, cunha defensa do Óptica Gallaecia moi xunta e solidaria. As accións defensivas dos nosos exteriores en situacións impares foron impecables e conseguimos desta forma pechar un encontro redondo.
Seguimos medrando pasiño a pasiño e conseguindo competir cada vez mellor.