Recibían este domingo os nosos xogadores do Bm Culleredo Óptica Gallaecia en Tarrío aos veciños do Club Bm Abegondo. Chegaban ambos equipos a este encontro con diferentes obxetivos, os nosos buscaban seguir dando pasiños no crecemento individual e colectivo que precisamos e o Abegondo precisaba da vitoria.
Comezaban os nosos moi serios, atacando a cerrada 5:1 dos visitantes con moito orde a partires das transformacións dos nosos laterais. Con situacións de 1x1 abertas trala transformación ou 2x2 co xogador transformado, conseguían os nosos xerar perigo e achegarse á portería rival de forma frecuente.
Os visitantes non deixaban de explotala súa superioridade física, coa que nos facían sufrir constantemente pero mentras ían aparecendo as axudas e as situacións de presións impares, puidemos manternos dentro do encontro e competir.
Sen embargo, nos derradeiros minutos do 1º tempo comezou a aparecela precipitación e con ela os erros que os visitantes non desaproveitaban, poñendo o 11-19 ao descanso.
Comezaba a segunda parte e as présas por tentar recortala diferenza xunto coa falta de "gasolina" foron unha mala combinación, que xeraba a aparición de moitas máis pérdidas de balón e de situacións non ventaxosas para os nosos. Con todo isto o Abegondo aproveitaba para poñer terra de por medio e cerralo encontro cun abultado marcador.
Dura derrota para os nosos que nos debe servir para seguir aprendendo a xestionar diferenzas no marcador, momentos de presión, frustracións e moitos máis detalles que estos rapaces irán dominando co paso dos encontros. Toca seguir traballando, ser pacientes e seguir crecendo!
Bm Culleredo Óptica Gallaecia: 21 (11+10) Ian, Óliver, Jorge, Darío, Nicolás Morís, Xabier, Mateo, Adrián, Pablo, Íker e Nicolás Iglesias.
Club Bm Abegondo: 42 (19+23) Matías, Eloi, Hugo, Antón, Saul, Xabier, Rodrigo, André, Yago e Martín.
Árbitro: Jorge Sánchez.
Incidencias: Partido correspondente á 5ª xornada da Liga Prata infantil masculina.