LIGA OURO CADETE MASCULINA X9| Pizzería Baratto Luceros - BM Culleredo Desp.es | Sábado 21 12:00h
O último partido da primeira volta da liga Ouro cadete masculina, aveciñábase vibrante, intenso, igualado….entre o líder, BM.Culleredo Despreocúpate.es e o cuarto clasificado, Pizzería Baratto Luceros, ambos os separados por tan só dous puntos. Sobre o papel, iso é o que indicaba a clasificación e a traxectoria de ambos os conxuntos, pero a historia acabaría por ser ben diferente. Os cullerdenses, chegarían a este enfrontamento moi minguados de efectivos, contando ata tres baixas fundamentais por diferentes motivos. Un feito que analizado a posteriori, influíu de forma moi negativa na mentalidade e a confianza coa que os seus compañeiros afrontaron este partido vital, como se demostrou no inicio do encontro e no primeiro tempo especialmente. Un conxunto sen alma, sen intensidade e entregado por completo ao conxunto local, estivo dende os primeiros instantes a merced de este que, por contra, mostraba unha actitude impecable a propósito do moito que se xogaba. O 29-12 do descanso deixaba o partido sentenciado e o conxunto de Culleredo unha imaxe moi pobre e debilitada.
Co resultado xa de fronte para os do Morrazo, o BM.Culleredo Despreocúpate.es tiraría de orgullo no segundo acto, tentando, polo menos, marcharse cunha mellor sensación ao parón vacacional. No ámbito actitudinal, o equipo entraría con outro talante ao 40x20 do municipal e a intensidade, o traballo e o sacrificio, cambiaran radicalmente co exposto no primeiro tempo. Evidentemente, o maior esforzo non tivo a recompensa da vitoria e con toda seguridade tamén se entregou o golaverage particular, pero polo menos, o conxunto vaise cun parcial gañador de 15-20 nestes segundos trinta minutos e unha imaxe máis combativa e representativa de equipo. Con este resultado, o BM.Culleredo Despreocúpate.es perde o liderato e baixa por primeira vez na tempada ata a cuarta praza, deixando a Lalín, Cisne e Luceros por diante, iso si, con todo por decidir na segunda volta do campionato, xa que estes equipos están a se mover nunha diferenza de tan só dous puntos.
Pizzería Baratto Luceros: 44 (29+15). Dimitrije Doder, Christian Ferradás, Simón Hernández, Xurxo Otero, Iván Freire, Xabier Gallego, Beltrán González, Telmo Mille, Jorge Varela, Hugo Lago, Adrián Iglesias, Mateo Rosales, Hugo Bouso, Andrés Varela-Portas.
BM.Culleredo Despreocúpate.es: 32 (12+20). Hugo García (P), Jorge Amor (P), Jairo Candamio, Lucas Faraldo, Alejandro Soto, Teo Gómez, Isaac Lorenzo, Hugo Bermúdez, Xoán Canedo, Iván Gantes, Alexis Martínez, Diego Rodríguez.
Parciais Cada5´: 2-5 / 4-11 / 5-16 / 8-22 / 11-25 / 12-29 / Descanso / 16-31 / 19-36 / 23-38 / 26-41 / 30-43 / 32-44 / Final.
Colexiado: Julio Villanueva.
Incidencias: Encontro correspondente á derradeira xornada da primeira volta na Liga Ouro cadete masculina. Partido disputado a porta pechada no pavillón de O Gatañal.