Xornada de sábado cargadiña de encontros en Tarrío, cos enfrontamentos de Copa Federación cadete masculina pola maña e o torneo feminino ao longo de toda a tarde. Un día cargadiño do mellor balonmán e no que ir pechando unha tempada que está case rematada.
(CM) BM CULLEREDO GALAICO CARAVANING VS BM LÍNEA 21 REFORMAS CORUÑA S.L 2021
Este próximo sábado, o Bm Culleredo Galaico Caravaning pechará a tempada oficial en casa ante o Bm Línea 21 Reformas Coruña S.L 2021. Os cullerdenses parten co obxectivo de realizar un bo partido, estar ao seu máximo nivel en canto a xogo e regularidade e pechar a tempada cunha vitoria ante os seus neste grupo 2 Norte da Copa Federación. O premio que ademáis ten ao alcance o equipo de Culleredo, é terminar como líder e campión do seu grupo nesta competición, á vez de aumentar a súa bagaxe como equipo invicto.
BM CULLEREDO REMAX RIAZOR VS BM ABEGONDO-ATLÁNTICO OPEMAT
Este sábado primeiro de Xuño,o Bm Culleredo Remax Riazor poñerá punto e final á tempada 2023/24 e farao como local no derbi ante os veciños de Abegondo. Os dous conxuntos chegan empatados a puntos neste Grupo I da Copa Federación e, por tanto, o envite terá o atractivo para o que consiga a vitoria de proclamarse campión da competición copeira neste grupo. Un test final esixente para o Remax Riazor que terá que completar un encontro sobresainte se quere impoñerse a un conxunto serio, competitivo e disciplinado como o Bm Abegondo Atlántico Opemat.