Desta vez xogaban os rapaces do Galaico Caravanning un difícil encontro fronte aos veciños do OAR 1952, partido que xa foi moi difícil na ida e que se compricaba dende o inicio nesta volta. Encaixaban os nosos rapaces un parcial de 6-2 para comezar, cunha defensa 5:1 moi individualizada e na que non aparecían as axudas. A nivel ofensivo estaban os rapaces do Galaico moi estáticos, o que complicaba a tarefa de superala cerrada defensa 6:0 proposta polos rivais. Tralo tempo morto non había reacción dos nosos, que seguían sufrindo a nivel defensivo nas accións de saída a punto forte do lateral esquerdo rival e as axudas non eran o suficientemente profundas para frealo. A pequena melloría no ataque víase lastrada polos erros de lanzamento en situacións claras dende os extremos, propiciando ademáis saidas rápidas ao contraataque co que chegaban os visitantes 7 goles arriba ao descanso.
Comezaba o 2º periodo deste encontro cun Galaico Caravanning algo máis serio a nivel defensivo, cunha defensa 6:0 profunda que xeraba máis dudas ao ataque rival coas disuasións a impar, pero os pequenos desaxustes co pivote permitíanlle aos rivais chegar igualmente ao gol. Por momentos conseguían os nosos ser máis efectivos en ataque e acercar un pouco máis o marcador, pero chegaban minutos de precipitación a nivel ofensivo, nos que os nosos tentaban rematalo ataque de forma acelerada, permitíndolle correr aos rivais e volver a aumentala súa vantaxe, chegando ao final cunha clara vitoria visitante.
Partido frouxo dos nosos cadetes, que deben reflexionar e traballar na súa concentración e na actitude amosada ante as adversidades para poder loitar en cada encontro.
Bm Galaico Caravanning: 25 (10+15) Mateo, Hugo, Alex, Adrián, Xoán, Jorge, Alexis, Hugo, Jairo, Martín, Víctor, Pablo, Teo, Hugo, Mateo, Diego.
OAR Coruña 1952 30 (17+13) Santiago, Nicolás, Carlos, Leo, Roi, Isayas, Matías, Jose, Nicolás, Javier.
Árbitro: Martina Regueiro, levou adecuadamente o encontro.
Incidencias: Partido correspondente á 14ª xornada da Liga de Prata.