Afrontaban na mañá deste domingo un moi difícil encontro as nosas rapazas do Cristalería Gestal, contra as veciñas do Brigantium que veñen crecendo como equipo e amosándose moi sólidas a nivel defensivo.
Comezaba o encontro coas nosas tendo dificultades para atopalo camiño ao gol fronte á cerrada defensa 6:0 prantexada polas rivais, atopándonos continuamente con xogadoras máis fortes e grandes que nos cerraban por completo os espazos. A pouca velocidade do balón por parte das nosas rapazas facilitaban a labor defensiva, algo que iría cambiando co paso dos minutos e conseguindo desta forma que as nosas laterais rematasen por encontrar espazos para penetrar entre 2 e 3 tras desplazar á defensa rival. A nivel defensivo non estaba mal o traballo das nosas, pero a diferenza física era evidente coa maior parte das nosas xogadoras, sufrindo moito en situación de 1x1 e precisando de axudas en case cada acción defensiva, conseguindo as visitantes chegar de forma relativamente sinxela ao gol. Con todo chegaríamos ao descanso 5 goles abaixo no marcador.
Comezaba unha segunda parte na que as nosas tiñan claro que a nosa defensa 3:3 debía ser máis presionante ainda ante as xogadoras sen balón e desta forma conseguíamos xerar numerosas perdas no ataque rival, pero non éramos quen de aproveitar e finalizar o contraataque de forma adecuada para apretar máis o marcador. En ataque pasaban as nosas por momentos de desconcentración, pero rápidamente volvíamos a darlle máis velocidade ao balón e acadábamos situacións claras de lanzamento ou ben de penetración das nosas laterais en 2-3 ou de lanzamento con espazo das nosas extremos, pero a porteira visitante privaríanos de empatalo encontro en varias ocasións. Chegando ao final do encontro seguíamos por debaixo e decidíamos arriscar un punto máis na presión conseguindo moitos balóns que nos permitían chegar ao gol en 1º ou 2º oleada, pero os erros defensivos permitíanlle ás rivais mantela diferenza e remataría o encontro cun axustado 25-28.
Partido con altos e baixos das nosas, pero que serve como aprendizaxe para afrontar estas dificultades!
Bm Culleredo Cristalería Gestal: 25 (11+14) Sofía, Yasmín, Sara, Cintia, Aitana, Inés, Aldara, Martina, Elena, Uxía, Tania, Simona.
BM Brigantium Nunegal: 28 (16+12) Daniela, Julia, Uxía, Daniela, Valeria, Carol, Uxía, Julieta, Marta, Iría, Lúa, Icía, Noelia, Rosalía.
Árbitro: Martina Regueiro, correcta durante o encontro.
Incidencias: Partido correspondente á 12ª xornada da Liga Prata infantil feminina.