O BM.Culleredo Óptica Gallaecia, disputou este pasado Sábado o partido correspondente á oitava xornada da liga Prata (Grupo C) que o enfrontaba ao Garaysa Xiria C. Os cullerdenses, comezaron con bo ritmo e pronto tomaron a dianteira no electrónico. As diferenzas eran mínimas, xa que o conxunto local mantiña o pulso co seu rival nun intento de darlle a volta ao marcador. No último tramo deste primeiro tempo, o Garaysa Xiria C tomaría a dianteira propiciado, en gran medida, polo aumento da súa actividade defensiva e a anticipación nesta fase do xogo. En ataque, os bergantiñáns mostrábanse máis activos e conseguían superar aos defensores do Óptica Gallaecia, demasiado estáticos e con escasa mobilidade de pernas. Así se chegaría ao descanso, cun 13-11 a favor dos locais e todo por dilucidar cara ao segundo acto.
Na continuación, o encontro tomaría un ritmo maior, unha marcha máis, con dous conxuntos dinámicos exhibindo un balonmán rápido que, ademáis, dadas as apreturas no marcador, facía vibrar á afección congregada no IES Monteneme que estaba a disfrutar ca igualdade e o ritmo alto de ambos os equipos.
O partido remataría finalmente cunha vitoria pola mínimo do Garaysa Xiria C e unha boa actuación dos bravos mozos de Culleredo que volverán á competición a próxima semana no partido que lles enfrontará ao líder en Culleredo.
XOGARON POLO ÓPTICA GALLAECIA:
Hugo Nodar (P), Francisco Hermo (P), Carlos Negreira, Pablo Hermida, Pablo Fraguela, Pablo Penelas, , Anxo Blanco, Aarón Beade, Mario Prada, Iván Bregua.
Colexiados: Alison Caamaño e Iria Ferreiro.
Incidencias: Encontro da xornada Nº8 do grupo C na liga prata de categoría Infantil Masculina que se disputou no pavillón do IES Monteneme en Carballo. Boa afluencia de público nas bancadas con familiares dos rapaces de ambos conxuntos.