Xogaban na mañá do sábado as rapazas do Bm Culleredo Cristalería Gestal en Almeiras, fronte ás viguesas do U.B. Lavadores Vigo.
Afrontaban as nosas o encontro plagado de baixas, pero coa determinación de sacar adiante un bo partido e confirmar o bo momento de forma das nosas infantís.
Aparecían no equipo ata 4 alevíns, para suplilas baixas e amosar que están máis que preparadas para asumilo reto, aportando moito ao equipos.
Serían os primeiros minutos dun dominio total das nosas infantís, que con unha defensa 3:3 moi presionante conseguían frear en seco ás rivais, recuperando cuantiosos balóns e subindo con criterio a transición. A presión tan alta das nosas xeraban moitas dudas no equipo rival, que soamente encontraba refuxio no 1x1, co que por momentos conseguían facernos dano, pero as axudas defensivas ían aparecendo e forzábamos lanzamentos dende zona menos efectivas, aparecendo a nosa porteira para detelo balón.
En ataque estático estaban as nosas coas ideas moi claras, xogando moi ben a partir das saídas da pivote ao pase e vai; e das trasnformacións das nosas extremos, que atopaban nesta primeira metade boas situacións de lanzamento trala transformación.
Cunha diferenza de 10 goles ao descanso, pintaba a unha segunda parte máis tranquila xa, con un bo colchón, pero as nosas rapazas non afrouxaban, con un traballo colectivo en defensa moi bo, impedindo que a 1º liña superase cara o centro e con boas axudas exteriores.
Sería cara o tramo final do partido que se relaxaban algo as nosas e aproveitaban as rivais para apretar un pouqiño máis e recortar distancias no marcador, nun partido no que non peligraron os 2 puntos pola concentración e serenidade das nosas.
Hai que darlle sen dúbida a noraboa a estas rapazas que están a competir a un moi bo nivel e traballando incansablemente en defensa.
Bm Culleredo Cristalería Gestal: 33 (16+17) Tania, Simona, Aldara, Elena, Uxía, Cintia, Celia, Antía, Aitana, Inés, Yasmín.
U.B. Lavadores Vigo: 17 (6+11) Aroa, Carla, Uxía, Vega, Candela, Nerea, Lola, Noa, Daniela, Ariana, Ainhoa, Valentina.
Árbitro: Nicolás Vázquez, correcto durante o encontro.
Incidencias: Partido correspondente á 8ª xornada da Liga Prata infantil feminina.