Xogaban no festivo esta 3ª xornada de Liga Prata os nosos rapaces do Bm Culleredo Climanosa fronte ao Línea 21, un encontro que se prevía moi difícil.
Comezaba o encontro cun Climanosa moi sólido a nivel defensivo, con unha gran solidaridade nas axudas e moi fortes no 1x1 ante rivais moi fortes. O bo posicionamento defensivo dos nosos permitíanos roubar e interceptar cuantiosos balóns, freando as acometidas rivais. A pesares do bo traballo defensivo dos nosos, resultaba difícil defender a xogadores tan fortes e rápidos. Tras uns primeiros minutos de desconexión no plano ofensivo, con xogadores moi estáticos e con erros de lanzamento froito da precipitación, cambiaba a dinámica a partires do minuto 10 deste 1º tempo. Conseguían os nosos rapaces atopalo camiño ao gol, con un bo xogo sen balón e dando continuidade á bola para chegar a finalizar dende os 6m en accións claras. O gran traballo deste 1º tempo permitíanos chegar ao descanso 7 goles arriba, con únicamente 10 goles encaixados, algo máis que destacable.
A segunda parte sería completamente diferente, comezaban os nosos máis frouxos en defensa, con numerosos erros individuais que lastraban o traballo colectivo. Ao verse apretados, cos visitantes a tan só 3 goles, comezaron os nosos a sentirse nunha situación incómoda e multiplicáronse os erros colectivos. Xa a falta de 5 min e estando 3 goles abaixo conseguirían os nosos reaccionar, pero era xa moi tarde e non se puido certificala vitoria que parecía tan próxima ao descanso.
Partido para aprender dos nosos, que saen deste encontro máis curtidos de cara a próximos encontros e máis preparados para afrontar este tipo de situacións.
Bm Culleredo Climanosa: 32 (17+15) Iago, Xurxo, Hugo Jiménez, Nicolás, Antón, Jacobo, Samuel, Roi, Hugo Fariña, Guillermo.
Bm Línea 21 Academia Pluralia: 34 (10+24) Gabriel, Thiago, Artai, Aitor, Sara, Román, Erik, Pablo, Daniel, Manuel, Yago, Xurxo, Malick.
Árbitros: Martina e Daniel, levaron adecuadamente o encontro.
Incidencias: Partido correspondente á 3ª xornada da Liga de Prata.