
Non foi o mellor partido por parte do BM.Culleredo Sweepend, pero a pesar de todo, o equipo mostrou a súa superioridade ante o Balonmán Chapela e conseguíu a primeira praza do grupo D de clasificación, posición que lle outorga privilexio de ser cabeza de serie no Play-Off do próximo fin de semana.
Os cullerdense dominarían o encontro de principio a fin e xa no minuto cinco mandaban no marcador cun contundente 7-2. A retagarda anticipaba e adiviñaba as intencións dos visitantes, interceptando e recuperando varios balóns que propiciaban as rápidas saídas ao contragolpe. No posicional, o equipo non atopaba excesivos problemas para habilitar os espazos máis idóneos cara á portería rival e, por todo iso, o electrónico reflectía un contundente 24-15 ao descanso.
O Balonmán Chapela, sairía nos primeiros minutos do segundo tempo con enerxías renovadas e conseguiría un 1-4 de parcial que representaba un toque de atención ao BM.Culleredo Sweepend para que non rebaixase a concentración. O aviso foi suficiente para que os locais tomasen nota e respondesen con absoluta contundencia cun parcial de 7-3. A diferenza continuaría ampliándose ante a fatiga do rival e o ritmo alto que continuaban ofrecendo os de Culleredo ,favorecido polas múltiples rotacións do seu plantel.
BM. Culleredo Sweepend: 41 (24+17). Marco González (P), Hugo Díaz (P), Lucas Sánchez, Aarón Blanco, Marcos Regueiro, Atalo Bello, Adrián Veira, Iván Sánchez, Samuel Seijas, Josemi Martínez, Alejo Martínez, Nico Casal, Felix Noya, Daniel González, David Martínez, Antón Pérez.
Balonmán Chapela: 28 (15+13). Rubén Serantes, Pedro Rodríguez, Anxo Barca, Lois Alonso, Iago Cao, Adrián Darroza, Ángel pérez, Nicolás Alonso, Unai Ruiz, Oscar González, Hector Da Cunha, Andrés González, Xoel Fdez, Hugo Correa, Rubén Conchouso.
Parciais 5´: 7-2 / 10-7 / 14-8 / 17-9 / 21-13 / 24-15 / DESCANSO / 25-19 / 29-21 / 32-22 / 35-23 / 37-27 / 41-28
Colexiados: Uxía Mariño e Martina Regueiro.
Incidencias: Derradeiro encontro da fase de clasificación (Grupo D) en categoría xuvenil masculino. Encontro disputado no pavillón municipal de Almeiras con un centenar de siareiros de ambos os conxuntos nas bancadas.
