Este sábado tiñan un moi duro compromiso as nosas rapazas do Sutenor, que recibían ás líderes da categoría, o Club Balonmano Atlántico, que conta todos os seus partidos con victorias.
As rivais eran as máis duras e as nosas tiñan na mente mellorar o resultado acadado no partido de ida, no que se perdera de 19 goles. Con este obxetivo e as boas sensacións coas que chegaban as nosas a esta xornada, comezaba un encontro no que as nosas rápidamente amosaban que son capaces de loitar con calquera rival. A defensa cullerdense era un auténtico muro contra o que nada podían facer nestos primeiros compases as de Oleiros, estando as nosas moi fortes no 1x1 e con axudas precisas e contundentes. En ataque a velocidade das nosas e as boas tomas de decisión permitíannos chegar con relativa facilidade ao gol. Xa no minuto 10 a diferenza era de 3 goles a favor do Sutenor, que mantiña a intensidade e o bo traballo, pero reaccionaban as rivais que conseguían aproveitar as nosas perdas de balón para chegar rápido ao contraataque e reducir a diferenza a tan só 1 gol ao descanso.
Chegaba o que sería sen dúbida o punto de inflexión do partido, uns malos primeiros 5 minutos da 2ª parte na que encaixábamos un parcial de 0-4, tras 2 fallos de lanzamentos claros e 2 pérdidas de balón por despistes das nosas xogadoras. Tras estos malos primeiros minutos das nosas tocaba pedir un tempo morto, aclarar ideas ofensivas e axustar a nosa defensa, sendo efectivo, xa que o partido volvía a igualarse con un parcial 3-1 favorable ás cullerdenses que se poñían a 1 gol.
A estas alturas do partido comezaba a notarse o cansancio das xogadoras e viríanse 10 minutos pragados de imprecisión por ambas partes, nas que as de Oleiros conseguían poñerse a 5 goles de vantaxe con 5 minutos restantes no marcador. Tocaba remar ata o final para intentalo imposible e a piques se estivo, marcando o gol definitivo cun bo lanzamento de falta directa a tempo parado que poñía o definitivio 26-28 no marcador.
Unha nova xornada na que as rapazas do Sutenor amosan que son capaces de competir e poñer en problemas a calquera equipo que as enfrente e sen dúbida o mellor partido da tempada, amosando que o traballo e o camiño son os adecuados.
Bm Culleredo Sutenor: 26 (17+9) Sara Bello (P), Eva (1), Sara Villar (3), Aitana (1), Helena (2), Adriana (2), Noa (16), Uxía, Inés, Luana (1), Antía, Cintia.
Club Balonmano Atlántico: 28 (16+12) Aroa Méndez (P), Ariadna (4), Carlota (1), Adriana (1), Xiana (2), Carolina (1), Carmela (7), Noelia (2), Aroa Vilariño (1), Cristina, Lucía (4), Ana (5), Sofía, Sabela, Erika.
Resultado cada 5 minutos: 3-3 / 8-5 / 10-8 / 13-12 / 17-16 / DESCANSO / 17-20 / 20-21 / 22-25 / 22-27 / 26-28 / FINAL
Árbitros: Iván Alfonso, correcto durante todo o encontro.
Incidencias: Partido correspondente á 9ª xornada da Liga Prata infantil feminina.