Xornada chea de viaxes e partidos complicados para os nosos equipos, con enfrontamentos ante rivais directos e de moita dificultade. Non te perdas os partidos dos teus e ven a Tarrío e Almeiras a animar aos nosos equipos!
(IF) U.B. LAVADORES VIGO VS BM CULLEREDO CANOSA ABOGACÍA
O Bm Culleredo Canosa Abogacía viaxa este domingo ata Vigo, para afrontar un novo encontro desta liga de ouro. A pesares dos puntos que levamos, as nosas rapazas están a facer unha tempada espectacular, competindo ata o final con todos os equipos da liga e nesta ocasión buscaremos conseguir ese premio en forma de puntos para todo o esforzo realizado e volver a Culleredo con 2 puntos máis no casilleiro.
(IM) BM CULLEREDO SUTENOR VS C. BM. ATLÁNTICO
O Bm Culleredo Sutenor recibe na mañá do sábado ao líder desta competición, o equipo de Oleiros que se amosa intratable nesta Liga de Prata. Coas boas sensacións dos anteriores encontros e o traballo xa feito no encontro de ida, os nosos rapaces de seguro poderán pelexar ata o final por esos 2 puntos fronte aos líderes da competición.
(IM) CP LUCENSE “A” VS BM CULLEREDO REMAX RIAZOR
Viaxa o conxunto do Remax Riazor a terras lucenses a enfrontarse ao segundo clasificado desta liga Ouro. Apenas 2 puntos separan aos dos conxuntos, polo que se promete un partido de alta intensidade!
(CF) CORETI LALÍN VS BM CULLEREDO FISIOTERAPIA BENESTAR
As cadetes cullerdenses viaxan a competir a Lalín, despois de non xogar a pasada fin de semana polo aprazamento do partido.
As nosas guerreiras buscarán traer os dous puntos de terras lalinenses e así estrear o casilleiro na clasificación.
(CM) GALITRANS PONTEDEUME VS BM CULLEREDO CLIMANOSA
Enfrontamento dos postos de abaixo na liga de prata cadete masculina.
O Climanosa, que está nunha mellora clara do seu xogo colectivo, buscará a primeira victoria nesta segunda volta.
O Pontedeume espera poder recortar puntos o Climanosa nun no partido que podremos presenciar no Pavillón Municipal de A Casqueira.
(CM) BM CULLEREDO CONSTRUPEREIRO VS A.D FOOTPLUS CARBALLAL
C. BM. ATLÁNTICO VS BM CULLEREDO CONSTRUPEREIRO
O conxunto cadete BM. Culleredo Construpereiro, terá dobre confrontación esta fin de semana e tentará resarcirse da derrota da pasada fin de semana con duas vitorias si fose posible. Non será tarefa sinxela, porque tanto o Footplus Carballal como o C.BM. Atlántico, son dous bos conxuntos competitivos e con calidade nos seus respectivos plantéis. O sábado, os cullerdenses recibirán el Almerias ao conxunto olívico do Footplus Carballal, un equipo chamado a ocupar os postos máis altos da táboa. O encontró dará comenzó as 12:30h. O Domingo, xa no Pavillón do Valle Inclán, na Coruña, o BM.Culleredo Construpereiro, visitará ao C.BM.Atlántico as 12:15. Será esencial a mellora na retagarda para poder competir ambos encontros e sair vitoriosos deles.
(XF) CALFRIMA CARBALLAL VS BM CULLEREDO RAFERGAL
O Balonmán Culleredo Rafergal xoga este sábado 5 ás 12:30 Pavillón Municipal de Carballal, no segundo partido desta segunda rolda.
En fronte, un equipo que non coñece a derrota onde a defensa será fundamental para ter opcións
Semana de moito traballo para seguir cun pé adiante e sen cometer erros da xornada anterior.
(XM) BM CULLEREDO ÓPTICA GALLAECIA VS OAR CIUDAD
Este domingo pola tarde, o noso xuvenil de liga prata, afrontará o derradeiro encontro ligueiro, esta vez ante o lider da táboa, o OAR Coruña. Encontro que a priori amosa moita intensidade e rivalidade. Os nosos que veñen nunha liña totalmente ascendente, facendo unha gran segunda volta, tentarán que os dous puntos queden na casa e así afianzar o meritorio terceiro posto con posibilidades de obtar polo segundo dependendo dos demais resultados da xornada.
(XM) BM. CANGAS VS BM CULLEREDO DESPREOCÚPATE.ES
O BM. Culleredo Despreocúpate.es, afronta este sábado unha importante cita a domicilio. O conxunto cullerdense viaxa ata Cangas para enfrontarse ao BM.Cangas coa intenci´n de conseguir a primeira vitoria do ano 2022 e deste xeito recuperar sensacións. O encontro dará comenzó as 12:45 e os de Culleredo deberán de aumentar o seu espírito competitivo para conseguir os dous puntos en xogo.
(SM) BM. CULLEREDO VS BALONMÁN PABELLÓN OURENSE
Este próximo Sábado, no municipal de Tarrío as 19:00h, o BM.Culleredo recibe ao conxunto Ourensán do BM. Pabellón. Os cullerdenses, despóis de retomar a senda victoriosa, tentarán conseguir dous novos puntos que lles manteñan na parte alta da táboa. Será moi importante seguir crecendo no ritmo de xogo, voltar a recuperar sensacións colectivas no 40x20 e conseguir unha alta actividade en tarefas defensivas.