Primeira xornada na categoría alevín mixto e primeiro partido oficial para as nosas rapazas do BM. Culleredo Femenino que lles tocaba viaxar a Carballo para verse as caras contra o BM Gestagua Xiria.
No comezo do encontro puidemos ver como os nervios e a falta de xogadoras nos xogaba unha mala pasada. O rival aproveitou os constantes erros defensivos para sacar vantaxe no marcador ao longo de todo o encontro. A pesar de que o primeiro tempo se lles complicou, ao inicio do segundo podiamos ver como o ataque comezaba a coller forma, ataque no que o xogo coa pivote foi clave para comezar a finalizar en portería.
Chegadas a segunda metade do partido as rivais aproveitaron o cansazo das nosas para volver coller vantaxe, que nos foi imposible recortar. A pesar de todo, tanto no terceiro coma no cuarto tempo puidemos observar a loita constante do noso BM. Culleredo Femenino que non se deu por vencido en ningún intre e conseguiu facer tremer varias defensas das rivais, aínda que os fallos nos lanzamentos de cara a portaría rival fixeron que non puidera estar máis igualado.
Destacar a competitividade das nosas que loitaron ata o final, e tamén o debut de Jacobo Soto (benxamín) en bm7, con goles incluídos.
Forza Culle.
BM. Culleredo Femenino: 4 (1+1+1+1). Eva Outón, Lucía López (2), Antía Ferreño, Claudia Soto (6), Antía García, Nadia Martínez, Jacobo Soto (3), Sara Bello.
BM. Gestagua Xiria: 12 (3+3+3+3). Ana Antelo (4), Xulia Suárez (8), Lucía Castiñeiras (5), Lucía Ngnipa (3), Lorena Ngnipa (2), Natalia Varela (1) , Noa Porteiro (1), Elena María Rodríguez (2), Paula Abelenda (1), Mara Vidal (1), Sofía Rey (6), Mencía Rodríguez (5), Julia Verdes (4).
Parciais cada 10´: 12-4 / 9-2 / 12-2 / 10-3.
Colexiados: Julio López Pedre e Marta López.
Incidencias: Primeiro partido da liga disputado polo BM. Culleredo Femenino. O encontro tivo lugar no pavillón do CEIP Fogar coa presenza limitada de público, debido as restricións sanitarias.