Primeiro enfrontamento do Bm Culleredo Canedo contra un equipo de fóra do clube, momento moi agardado polos nenos.
Tras tanto tempo esperando a competir, comezaban os nosos cheos de enerxía e decisión, coas ideas claras do traballo a realizar en defensa, roubando numerosos balóns e saíndo coma lóstregos ao contraataque.
Con esta dinámica transcorrerían os 2 primeiros cuartos, nos que os nosos se mostraron moi superiores.
No 3º cuarto reaccionaba o Abegondo, que nunca se rendeu e por momentos conseguía apretalo marcador, pero finalmente o maior acerto de cara a portería dos nosos facíase valer.
Cabe destacala gran aportación de todos os integrantes do equipo tanto en ataque como en defensa, donde os rapaces de 1º ano e que comenzaron este ano a xogar ao balonmán amosaron que están a aprender e moito.
Bm Culleredo Canedo: Xoán Canedo, Teo, Iago, Jairo, Hugo Bregua, Leo, Manu, Mateo e Diego Bermúdez.
Parciales:
- 1º tempo: 13-3
- 2º tempo: 13-1
- 3º tempo: 9-5
- 4º tempo: 8-2
Incidencias: Partido amistoso, desputado no Pavillón de Tarrío e con público limitado debido ao protocolo pola COVID-19.